Семинар. Иқдомҳои минбаъда доир ба таҳияи стратегияи чиляии БХГ/ФЭГ

Ахбор (Бойгонии хабарҳо) | 01 фев. 2016

29 январи соли 2016 бо ташаббуси Ташкилоти ҷамъиятии "НООСФЕРА» дар толори конфронсии Агентии обуҳавошиносии семинар-машварат дар мавзӯи "Шарҳ ва таҳлили маводҳо барои таҳияи нишондиҳандаҳо барои интихоби манзараҳои (ландшафт) кишвар ва самтҳои афзалиятнок барои ворид намудан ба Стратегияи миллии барномаҳои хурди грантӣ ФГЭ" доир карда шуд. Дар семинар намояндагони созмонҳои давлатӣ ва байналмилалӣ, намояндагони Конвенсияҳои РИО дар Тоҷикистон ва ташкилотҳои ғайридавлатӣ ширкат варзиданд. Намояндагони Ташкилоти ҷамъиятии «НООСФЕРА" бо презентатсияҳо ва маърӯзаҳо баромад намуда, маълумотҳоро оид ба таҳлил ва баррасии самтҳои асосии банақшагирии манзаравӣ ва самтҳои афзалиятноки банақшагирии манзаравӣ маълумотҳо пешниҳод намуданд. Дар семинар самтҳои афзалиятноки интихоби манзараҳо (ландшафтҳо), нишондиҳандаҳо барои дохил намудан ба Стратегияи миллии Барномаҳои хурди грантӣ ФГЭ мавриди муҳокимаи иштирокчиён қарор дода шуда, минтақаҳои афзалиятнок дар харитаҳо инъикос гардида тавсияҳо ва пешниҳодот оиди манзараҳои афзалиятнок барои дохил намудан ба Стратегияи  БХГ/ФГЭ пешниҳод карда шудаанд.

Ба ҳам дидан

"Озодапаланг - ифтихори миллии Тоҷикистон"

Видео